طريقة عمل سويسرول ، احلى سويسرول دا و لا ايه

طريقة عمل السويسرول، احلى سويسرول دا و لا ايه

بسم الله الرحمن الرحيم، السلام عليكم اخواتى الزائرات

هقدملكم  احلى واسهل وصفة لسويسرول هتعمليها دائما فى بيتك من حلاوتها وبساطة مكوناتها وطريقتها وتغيير عن الكيك المعتاد دا غير ان اولادك هيحبوها ويطلبوها منك على طول وهتكونى انتى الاولى فى عمل السويسرول ان شاء الله اتبعى المقادير والخطوات وهيكونى معاكى احلى سويسرول.

المقادير:

• 4 بيضات بدرجة حرارة المطبخ.
• 2/3 كوب سكربودرة.
• 1/2 كوب زيت.
• 3/4 كوب دقيق منخول كويس.
• 1/4 معلقة فانيليا سايلة او بودرة.
• رشة ملح.
• معلقة صغيرة بيكنج بودر.
• ظرف كريم شانتيه دريم او ممكن لو مش متوفر نستخدم مربى اى نوع متاح عندك.
• 1/4 كوب كاكاو خام.

الطريقة:

1. فى وعاء جاف هنضيف البيض والسكر ورشة الملح والفانيليا ونضربهم بالمضرب الكهربائى او اليدوى لمدة عشر دقايق لغاية ما يتضاعف حجم البيض و يتحول الخليط للون كريمى فاتح. 
2. ثم نقوم بإضافة الزيت مع استمرار الضرب حتى يختفى الزيت مع الخليط ثم نقوم بوقف الضرب.
3. نقوم بإضافة الدقيق والكاكاو الخام السابق نخلهم والبيكنج بودر ونقلب ببطء حتى لا يخرج الهواء من خليط الكيك.
4. بعد التقليب نصب الخليط فى صينية مستطيلة مبطنة بورق زبدة نوزع الخليط فيها بشكل متساوى.
5. ندخلها الفرن على درجة حرارة 180 لمدة 15 دقيقة.
6. بعد ما تخرج من الفرن نغطيها بفوطة نظيفة عشان تكون طرية ونقدر نلفها بسهولة وبعد ما تبرد تماما نجهز الحشو.
7.  نضرب ظرف الكريم شانتيه مع معلقتين كبار ماء مثلج حتى يتحول الخليط لكريمة سهل فردها فى الكيك او اضافة المربى مباشرة فى حالة عدم توفر الكريمة. 
8. نقوم بوضع الحشو على الكيكة ونلف بهدوء مع ازالة ورق الزبدة اثناء اللف ثم تغطى بورق الزبدة وتوضع فى الثلاجة حتى تتماسك ثم تقطع و تقدم ... و بالف هنا