كأسات الكاسترد ، هنتعلمها مع بعض بطريقه سهله و بسيطه خالص تعتبر اسهل حلا:
اولا المقادير
حوالي كيلو لبن
كوب سكر و السكر هنا حسب رغبتك انتي لو عاوزها زياده سكر ضيفي كمان ربع كوب
ربع معلقه فانيليا سايله
معلقتين كبار كاسترد بودر
٣معالق كبار نشا
وبس كدا
ثانيا الطريقه
في حلة علي النهار نسخن اللبن و لما يقرب يغلي نضيف السكر و الفانيليا و في طبق نضيف الكاسترد و النشا مع نص كوب ماء و نقلبهم كويس و نتاكد ان مفيش اي كتل عشان ماتظهرش في الكاسترد و نضيفهم بعد كدا للبنو نقلب بسرعه عشان يكون الخليط ناعم و خالي من اي كتل و لما الخليط يتقل و ياخد قوام تقيل نطفي النار و نقدمه في كأسات و ممكن نزين الوش زي ما تحبي سواء مكسرات او زبيب او فارمسيل زي الصور و بالف هنا علي قلبكم
الوصفه دي من اسهل الوصفات خصوصا للمبتدئين او لو جالنا ضيوف فجأة هتكون اسهل واسرع حلا .
تعليقات
إرسال تعليق