طريقة بسكوت البرتقال، بسكوت البرتقال بكيس الحلوانى

بسكوت البرتقال بكيس الحلواني

بسكوت البرتقال بأسهل طريقة وأبسط مقادير هيعجبك و اولادك هيحبوه و يطلبوه منك على طول لانه طعمه جميل و كمان من انواع البسكوت الخفيفة مش دسم خالص و ممكن ياخدوه معهم فى اللانش بوكس و كفايه انه من عمايل ايدك و ضامنه هنبداء على طول بالمقادير:

المقادير

كوب و نص سكر بودرة

كوب سمنه او زبدة

بيضتين

4 اكواب دقيق

نص معلقة بيكنج بودر

ربع كوب عصير برتقال

اصانص برتقال 

ربع معلقه فانيليا.

الطريقة

هنبداء بالسمنة او زبدة و تكون بدرجة حرارة الغرفة ، وحسب المتوفرعندك بس ياريت لو نوع كويس لانه بيفرق كتير فى طعم البسكوت 

هنضرب السمنه مع السكر بالمضرب الكهربائى او المضرب السلك اليدوى بس هياخد وقت اطول منك و نضربهم كويس حتى يتحول السكر و السمنة الى لون فاتح لون كريمة الخفق او القشطة و بعدين هنضيف البيض بس هنضيفهم واحدة واحدة  لغاية ما يختفوا مع السمنة والسكرونرش عليهم الفانيليا و اصانص البرتقال عشان ريحة البيض و بعدين نضيف عصير البرتقال و نقلبهم و نضيف الدقيق بعد كدا و نقلبهم و هيتكون معانا عجينة طريه هنحطها فى كيس الحلوانى

و نستخدم بلبلة البسكوت و نشكلها فى صنية مدهونة زيت خفيف

و ندخلة الفرن على درجه حرارة 200 لمدة 15 دقيقة مش اكتر من كدا و لما بيخرج من الفرن بيكون مقرمش و كرسبى وشكلة جميل و هيكون بالشكل الموجود فى الصورة و ان شاء الله تجربية و يعجبك و بالف هنا.