طريقة عمل بيتزا الجلاش
عزيزتى الزائرة هنعمل مع بعض احلى بيتزا من الجلاش تغير عن المعتاد
اولا المقادير:
لفه جلاش او نص كيلو جلاش
نص كوب زيت او زبدة
حبيتين طماطم و حبيتين فلفل
زيتون اسود شرايح
ربع كوب جبنه رومي
نصف كوب جبنه موتزاريلا
كاتشب
كوب لبن
بيضه مع رشه فلفل اسود
الحشو:
نيجى بقى للحشو و دا على حسب رغبتك انتى و المتاح و متوفر عندك ممكن
لحمه معصجه او شاورما فراخ بواقي فراخ موجودة عندك او تونه او مكس جبن حسب الطعم
اللى بتحبيه او اولادك بيحبوه
ثانيا الطريقة:
فى صنيه متوسطه مدهونه زيت هنقسم الجلاش نصفين هنحط اول طبقتين و
ندهن زيت و بعدين نكمل باقي النص الاول بنفس الطريقه لما نخلص و نيجي للحشوه نفسها
و نحط حولى معلقتين كبار كاتشب و شويه جبنه موتزاريلا و الحشو المتوفر و حلقات
الطماطم و الفلفل الاخضر و حلقات الزتيون و ناخد كوب اللبن مع البيض و نضربهم كويس
و نحط نصها على الحشوه و نسيب الباقى للوش و نكمل باقى الجلاش و زى ما عملنا تحت ف
الصنيه هنعمل فوق الحشو ندهن بين كل طبقتين زيت عشان يكون مورق و جميل و لما نخلص
نضيف باقي اللبن و البيض و نقطع الجلاش ضرورى قبل ما يدخل الفرن و ممكن نضيف معلقه
بسيطه من الكاتشب و نحط قطع زيتون و فلفل و باقى الجبن و علي فرن درجه حرارته 200
لمدة ثلث ساعه و هيكون تمام و استوى و هتاكلى احلي صنيه بيتزا بالجلاش تغير عن
المعتاد و اولادك هيحبوها
تعليقات
إرسال تعليق