طريقة عمل بسكوت النشادر
السلام عليكم اخواتى الزائرات،
ان شاء الله هنعرف مع بعض اسهل وابسط طريقة لبسكوت النشادر، مين فين مش بيحب بسكوت النشادركلنا بنحبه واكيد ليه معانا ذكريات لا تنسى خصوصا فى اخرشهر رمضان الكريم والعيلة كلها متجمعين وبنحضر بسكوت عيد الفطر ،هنبدء بالمقادير و الطريقة.
المقادير:
- كيلو دقيق
- 2كوب سكر بودرة
- نص كوب حليب دافىء
- 4 بيضات
- كوب ونصف سمنة او زبدة
- معلقة كبيرة نشادرممسوحة
- نص معلقة بيكنج بودر
- فانليا سايلة
- ذرة ملح
الطريقة:
نضيف السكر البودرة مع السمنة فى وعاء نظيف ونضربهم بالمضرب الكهربائى او اليدوى فى حالة عدم توافره حتى يتحول السكر والسمنة الى خليط كريمى فاتح يشبه الكريم شانتيه ثم نقوم باضافة البيض ولكن بيضة بيضة مع التقليب المستمر بالمضرب ثم نقوم باضافة الفانيليا ونقلب الخليط.
نقوم باضافة معلقة النشادر الى اللبن الدافئ وسنلاحظ فوران النشادر بعد ثوانى وهذا دليل على جودة وصلاحية النشادر نضيفها فورا الى خليط السكر والسمنة والبيض ثم نضيف الدقيق ونصف معلقة البيكنج بودرو ذرة الملح ونقلب حتى تتجانس المكونات مع بعض و لا تعجن.
نشكل العجين فى ماكنية البسكوت او الكيس الحلوانى واستخدام الشكل المخصص للبسكوت و نشكلها على صوانى مدهون طبقة خفيفة جدا من الزيت ثم تدخل الفرن على درجة حرارة 180 لمدة 12:15 دقيقة حتى تاخد اللون الذهبى الجميل المعروف للبسكوت يترك البسكوت حتى يبرد ثم نقوم بحفظه فى علبة محكمة الغلق حتى يظل مقرمش لاخر حبة بسكوت... وبالف هنا.
جربى الوصفة دى وهتكون طريقتك المتعمدة ان شاء الله فى كل مرة تعملى فيها بسكوت النشادر.
تعليقات
إرسال تعليق